ಮಹರ್ಷಿ ಕಣಾದ

ಭಾರತೀಯ ವೈಚಾರಿಕತೆಚೆ ಮಹತ್ವಾಚೆ ಷಡ್ದರ್ಶನನಾಂತು ‘’ವೈಷೇಶಿಕ ದರ್ಶನ” ಸಹಿತ ಏಕ ಜಾವ್ನಾಸ್ಸ. ಹಾಜ್ಜೆ ಕರ್ತೃ ಕಣಾದ. ಹೋ ಗುಜರಾತ್ ರಾಜ್ಯಾಚೆ ದ್ವಾರಕೆ ಲಾಗ್ಗಿ ಆಸ್ಸುಚೆ ‘’ಪ್ರಭಾಸ ಕ್ಷೇತ್ರಾಂತು” ಜನ್ಮಿಲೊ ಮ್ಹೊಣು ಊಹೆ ಕರತಾತಿ. ಕೆಲವ ಲೋಕ ಹೋ ಕನ್ನಡಾಚೊ ಮ್ಹಣಚೆ ಅನುಮಾನ ವ್ಯಕ್ತ ಕರತಾತಿ. ಹಾಕ್ಕಾ ‘’ವಸ್ತುಸ್ಥಿತಿಚೆ, ವೈಚಾರಿಕತೆಚೆ, ಕಾರ್ಯಕಾರಣ ಸಂಬಂಧಾಚೆ ತಶ್ಶೀಚಿ ಅಣು ಸಿದ್ಧಾಂತಾಚೆ’ ವ್ಯಾಖ್ಯಾನಕಾರ ಮ್ಹಣತಾತಿ. ಹೋ ಹರ್‍ಯೇಕ ವಸ್ತು ಜನ್ಮಿಚೆ ತಾಜ್ಜೆ ನವ್ವ ವಾಂಟೆಚೆ ಮೇಳಾವಟ್ ಮ್ಹೊಣು ವಿಂಗಡಣ ಕರತಾ. ತ್ಯಾ ಮ್ಹಳಯಾರಿ ಭೂಂಯಿ, ಉದ್ದಾಕ, ವಾರೆಂ, ಹುಜ್ವಾಡು, ವೇಳು, ಮನ, ಆತ್ಮ, ಆಕಾಶ ಆನಿ ಚೈತನ್ಯ.  

”ಹರ್‍ಯೇಕ ವಸ್ತುಚೆ ಉಗಮ ಅಣು ತಾಕೂನು ಜಾವ್ನು ಆಸ್ತಾ. ಹರ್‍ಯೇಕ ಅಣು ಎಕ್ಕಾಕ ಏಕ ಮೇಳ್ನು ಕಣ ಜಾವ್ನು ಬದಲ್ತಾ ಮ್ಹೊಣು ಹಾಣೆ ಸಾಂಗಲಾ ಖಂಯಿ. ಎ‌ಔ‌ಊ‌ಓ ಆ‌ಇ‌ಐಖಿ‌ಔ‌ಓ ಪಶಿ ೨೫೦೦ ವರ್ಷ ಮಾಕ್ಷಿಚಿ ಅಣು ಸಿದ್ಧಾಂತ ಜಗಾಕ ದಿಲೀಲೊ ಮಹಾವಿಜ್ಞಾನಿ ಹೋ. ಅಣು ವಿಸ್ತೀರ್ಣ, ಚಲನವಲನ ಖಾತೇರಿ ಆನಿ ಅಣು ಏಕ್ಕಾಕ ಏಕ ಮೇಳಾವಟ್ ಜಾವ್ನು ಜಾವಚೆ ರಾಸಾಯನಿಕ ಪ್ರಕ್ರಿಯಾ ಖಾತೇರಿ ತಾಣೆ ಕಳೈಲಾ. ಪ್ರಖ್ಯಾತ ಇತಿಹಾಸಜ್ಞ ಖಿ ಓ ಅ‌ಔ‌ಐ‌ಇಃಖ‌ಔ‌ಔ‌ಏ ನ ಐರೋಪ್ಯ ದೇಶಾಂಚೆ ವಿದ್ವಾಂಸಾಂಕ ತುಲನ ಕೆಲಯಾರಿ ಕಣಾದ ಆನಿ ಭಾರತೀಯ ವಿದ್ವಾಂಸ ಹೇ ವಿಷಯಾಂತು “ವಿಶ್ವ ಶ್ರೇಷ್ಠ” ಮ್ಹಳ್ಳಾ.  

ಸ್ವತಃ ಓ‌ಇWಖಿ‌ಔ‌ಓ ಸಹಿತ ಆಪಣಾ ಪಶಿ ಭಾರತೀಯ ಕಿತ್ಲಕೀ ವರ್ಷ ಮಾಕಸೀಚಿ ಓUಅ‌ಐ‌ಇಂಖ WಇಂPಔ‌ಓS ಖಾತೇರಿ ಮಾಹಿತಿ ಕೋಳ್ನು ಆಶ್ಶಿಲೆ ಮ್ಹಳ್ಳಾ. ಅಸ್ಸಲೆ ಜ್ಞಾನಿ, ವಿಜ್ಞಾನೀಂತು ಆಚಾರ್ಯ ಕಣಾದ ಮುಖೇಲ ಜಾವ್ನು ಆಶಿಲೊ. ಕ್ರಿ.ಪೂ ತಿನ್ನೀ ಶೇಕಡ್ಯಾಂತು ಆಶಿಲೊ ಹೋ ಕಶ್ಯಪ ಗೋತ್ರ್ರಾಚೆ ಉಲೂಕ ಮಹರ್ಷಿಲೊ ಪೂತು. ತ್ಯಾ ಕಾರಣಾನಿ ಹಾಣೆ ಸೊದ್ದೂನು ಬರೆಯಿಲೆ ಗ್ರಂಥಾಕ ಔಲೂಕ್ಯ ದರ್ಶನ ಮ್ಹೊಣೂ ಆಪಯತಾತಿ. ಹಾಣೆ ಅಣು, ಪರಮಾಣು ರಚನೆ ವಿಷಯಾಂತು ಮಸ್ತ ಅಭ್ಯಾಸ, ಶೋಧನ ಕೊರನು ಗ್ರಂಥ ಬರೈಲಾ. ಆತ್ತಾಚೆ ಅಣು-ಸಿದ್ದಾಂತ ತೆದನಾಂಚಿ ಸೊದ್ದುನು ವಿಷೇಷಿಕ ಸೂತ್ರ ಮ್ಹಣಚೆ ಗ್ರಂಥ ಬರಯಲಾ. ಆಪಣಾಲೆ ಗ್ರಂಥಾಂತು ಪರಮಾಣುಚೆ ಗಾತ್ರ ಏಕ್ಕಾಚೆ ಬಿಲಿಯನ್ ಮೀಟರ್ ಮ್ಹೊಣು ಸಾಂಗಲಾ. 

ಕಣ ಮ್ಹಳಯಾರಿ ಅಣು. ಅದ ಮ್ಹಳಯಾರಿ ಭಕ್ಷಿಸಿ(ಕಾತ್ತಾಲೊ) ತಾಲೊ ತ್ಯಾ ಖಾತೇರಿ ಕಣಾದ ಮ್ಹಳಯಾರಿ ಅಣುಭಕ್ಷಕ ಮ್ಹೊಣು ವಿಮರ್ಶಕಾನಿ ಅರ್ಥ ಸಾಂಗಚೆ ಆಸ್ಸ. ಹಾಕ್ಕಾ ಕಣಭುಕ್, ಕಣಭಕ್ಷ, ಅಕ್ಷಪಾದ, ಉಲೂಕ ಮ್ಹಣಚೆ ನಾಂವ ಆಸ್ಸ. ಹೇ ಸಕ್ಕಡ ಹಾಣೆ ಕೆಲೀಲೆ ಸಾಧನೆ, ಪಾವ್ವಿಲೆ ಸಿದ್ಧಿಚೆ ದ್ಯೋತಕ ಮ್ಹಣಯೇತ. 

ದಿವಸುಬಽರಿ ಧ್ಯಾನಮಗ್ನ ಜಾವ್ನು ರಾತ್ತಿಕ ಜಾಗ್ರತ ಜಾವ್ನಾಸ್ಸುಚೆ ನಿಮಿತ್ತ ಉಲೂಕ. ಕಾಪೋತವೃತ್ತಿ ಕರತಾ ವಾಟ್ಟೆರಿ ಪಡಿಲೆ ತಾಂದ್ಲಾಕಣ ವಿಂಚೂನು ಖಾತ್ತಾಶ್ಶಿಲ ನಿಮಿತ್ತ ಹಾಕ್ಕಾ ಕಣಭುಕ್, ಕಣಭಕ್ಷ ಮ್ಹಣಚೆ ನಾಂವ ಎವ್ನು ಆಸ್ಸುಕ ಪುರೊ ಮ್ಹೊಣು ಅಂದಾಜ ಕರತಾತಿ. ಹಾಗೆಲೆ ಖರೇ ನಾಂವ ಕಾಶ್ಯಪ ಮ್ಹೊಣು ಆಸಚಾಕ ಪುರೊ ಮ್ಹಣಚೆ ವಾದ ಆಸ್ಸ.

ಕಣಾದಾಲೆ ದೇಶ, ಕಾಲ ಸ್ಪಷ್ಟ ಜಾವ್ನು ಕೊಳನು ಯಾನಾ ಜಾಲಯಾರಿಚಿ ತಾಗೆಲೆ ವೈಶೇಷಿಕ ದರ್ಶನ ಸಂಸ್ಕೃತ ಸಾಹಿತ್ಯಾಚೆ ಏಕ ನಾಮಾಂಕಿತ ಪ್ರಕಾರ ಜಾಲೀಲೆ ಸೂತ್ರ ರೂಪಾಂತು ಆಸ್ಸುಚಾ ವೊಚ್ಚುನು ಹೋ ೩ ಜಾಂವೊ೪ ಚೊ ಶೇಕಡ್ಯಾಚೊ ಜಾವ್ನಾಸ್ಸುಕ ಪುರೊ ಮ್ಹೊಣು ಅಂದಾಜ ಕರತಾತಿ. ಕಣಾದಾಲೆ ತತ್ತ್ವಶಾಸ್ತ್ರಾಕ ಅಧ್ಯಾತ್ಮಶಾಸ್ತ್ರ ಮ್ಹೊಣೂ ಆಪಯತಾತಿ. ನಿತ್ಯವಸ್ತುಂಚೆ ಸಮ್ಯಕ್ಜ್ಞಾನ ತಾಕೂನು ಏಕ ಆನ್ನೇಕ ಮ್ಹೊಣು ಚೂಕಿ ಸಮಜೂನು ಘೆವಚೆ ಭ್ರಾಂತಿ ತುಂಟೂನು ಘೆತ್ತಿಲ ತೆದ್ನಾ ಪಮೆ (ಸಮ್ಯಕ್ಜ್ಞಾನ) ಅಸ್ಸ ಜಾತ್ತಾ. ತೆದ್ದನಾ ಭ್ರಾಂತಿ ವಚೂನು ತತ್ತ್ವಜ್ಞಾನ ಮೆಳ್ತಾ. ತಾಜ್ಜೇನ ಮೋಕ್ಷ ಪ್ರಾಪ್ತಿ ಜಾತ್ತಾ ಮ್ಹಣಚೇಚಿ ಕಣಾದ ಮಹರ್ಷಿಲೆ ವಿಚಾರ.

ವೈಶೇಷಿಕ ಸೂತ್ರಗ್ರಂಥ ಸೂತ್ರಾತ್ಮಕ ಗದ್ಯಾಂತು ಆಸ್ಸುನು; ಹಾಂತು ದಾ ಅಧ್ಯಾಯ ಆಸ್ಸ. ಹೇ ಗ್ರಂಥ ವಯರಿ ೪ಚೆ ಶೇಕಡ್ಯಾಂತು ಪ್ರಶಸ್ತ ಪಾದ ಮ್ಹಣತಾಲ್ಯಾನಿ ಭಾಷ್ಯ ಬರೈಲಾ. ಹಾಜ್ಜ ಆಧಾರಾರಿ ಸಾತ್ತಾ ಶೇಕಡ್ಯಾಂತು ಚಂದ್ರ ಮ್ಹಣತಲ್ಯಾನಿ ಚೀನಿ ಭಾಷೆಂತು ದಶಪದಾರ್ಥಶಾಸ್ತ್ರ ಮ್ಹೊಣು ರಚನ ಕೆಲ್ಲಾ. ಧಾಂಚೆ ಶೇಕಡ್ಯಾಚೆ ಆಲ್ತಾಂತು ಹಾಜ್ಜೆ ಅಭ್ಯಾಸಾನಿ ಸಬಾರ ಗ್ರಂಥ ಜನ್ಮ ಪಾವ್ವಿಲೆ ಕೋಳ್ನು ಎತ್ತಾ. ಅಸ್ಸಲೊ ಪ್ರತಿಭಾವಂತು ಆಮ್ಗೆಲೊ ಹಿಂದೂಸ್ಥಾನಾಚೊ ಮ್ಹೊಣು ಆಮ್ಮಿ ಅಭಿಮಾನ ಪಾವಚೆ ನಾಕ್ಕವೇ?