ਧੀਆਂ ਹੋਣ ਪਰਾਈਆਂ

ਧੀਆਂ ਹੋਣ ਪਰਾਈਆਂ

ਮਾਂ ਦੇ ਵੇਹੜੇ ਖਿੜਦਿਆਂ ਨੇ

ਬਾਪੂ ਦੇ ਨੇਹੜੇ ਹੁੰਦਿਆਂ ਨੇ

ਵੀਰ ਅਪਣੇ ਦਿਆਂ ਲਾਡਲਿਆਂ

ਹਰ ਦਿੱਲ ਵਿੱਚ ਘਰ ਬਣਾਉਂਦੀਆਂ

ਦੱਸੋ ਕੇਹੜੇ ਵੇਲੇ ਲੋਕੋ

ਧੀਆਂ ਹੋਣ ਪਰਾਈਆਂ !!

ਭਾਵੇਂ ਡੋਲੀ ਵਿਦਾ ਹੋ ਜਾਏ

ਪਰ ਫ਼ਿਕਰ ਤਾ ਤਾਂ ਵੀ ਕਰਦਿਆਂ ਨੇ

ਬਾਪੂ ਦੀ ਪੱਗ ਉਪਰਲੇ ਸੰਦੂਕ ੱਚ ਪਈ ਹੈ

 ਬੇਬੇ ਦੀ ਫੁੱਲਕਾਰੀ , ਗੁਆਂਢਣ ਲੈ ਗਈ ਹੈ

ਹਰ ਵੇਲੇ ਚੇਤੇ ਰੱਖਦਿਆਂ ਨੇ

 ਗੁੱਡੀਆਂ ਅਤੇ ਪਟੋਲੇ ਆਪਣੇ

ਕਦੇ ਵੀ ਨਹੀਂ ਭੁਲਾਉਂਦੀਆਂ

ਦੱਸੋ ਕੇਹੜੇ ਵੇਲੇ ਲੋਕੋਂ

ਧੀਆਂ ਹੋਣ ਪਰਾਈਆਂ !!

ਚੇਹਰਾ ਖਿੜ ਕੇ ਗੁਲਾਬ ਹੋ ਜਾਂਦਾ

ਜਦੋਂ ਪੇਕੇ ਰਹਿਣ ਆਉਂਦੀਆਂ ਨੇ

ਦਰਦ , ਸ਼ਿਕਾਇਤਾਂ ਝੋਲੀ ਵਿੱਚ ਪਾ ਕੇ

ਨਾਲ ਅਪਣੇ ਲੈ ਜਾਉਂਦੀਆਂ ਨੇ

ਖੈਰ ਸਲਾਮਤੀ ਮੰਗਦੇ ਹੋਏ ਫਿਰ 

ਕਿੰਨੀਆਂ ਰਾਤਾਂ ਏਹ ਜਾਗਦਿਆਂ 

ਦੱਸੋ ਕੇਹੜੇ ਵੇਲੇ ਲੋਕੋਂ

ਧੀਆਂ ਹੋਣ ਪਰਾਈਆਂ!!!

ਇਹ ਤਾਂ ਖੋਰੇ ਰਿਵਾਜ਼ ਨੇ ਦੁਨੀਆ ਦੇ

ਕਿ ਧੀ ਸਮੇ ਸਿਰ ਵਿਆਹ ਦੋ

ਜਾਕੇ ਹੁਣ ਅਪਣਾ ਘਾਰ ਸਾਂਭੇ...

ਪਰ ਫੁਲਵਾਰੀ ਤੁਸੀ ਕੇਹੜੇ ਵੀ ਪਾਸੇ ਲੈ ਜਾਓ

ਅਪਣੀ ਮਿੱਟੀ ਦੀ ਖੁਸ਼ਬੂ ਉਹ ਕਦੇ ਨਹੀਂ ਭੁਲਦੀਆਂ 

ਬੱਸ ਕਹਿਣ ਦੀ ਹੀ ਗੱਲ ਹੈ ਲੋਕੋ

ਧੀਆਂ ਹੋਣ ਪਰਾਈਆਂ !!!!

©ਮਨਪ੍ਰੀਤ