Jaane dete hain.

Zindagi mein , jab kuchh talluk , bigadte dikhte hain

Hum koshish karte hain unhein sametne ki , vapis uss dor ko kheechne ki ..

Vo thik hue to thik ,

Magar nhi , to ruko ...

Thakk gye ho agr smjhte smjhte , smjhate smjhate ,

Khud ko , halaat ko , koste koste

Aur bass , ab iztiraar ho ...

Suno ,

Chhod dete hain na ,

Jaane dete hain ...

Jee lete hain zra ..

Iss pal ko , iss inayat e zindgi ko , jee lete hain zra. ..

Chlo , theek ho agar to ,

Firse aaghaz krte hain ,

Iss bar ek naye tareeke se , ek naye saleeke se ,

Unhein unke haal par chhod dena ,

Khud ko zindagi ko ek aur mauka dena.

Aur fir bhi agr dil kre na ,

Ki ik dfa pichhe mud kar dekh leta hun ,

Uss rishte ko vapis bulane ki ek aur purshish kr leta hun ,

To beshk Krna . Aur vo vapis aajayein to aafreen!!

Pr unke musalsal rehne ki ummeed se , ab khud ko na baandhna .

Aur , agr ye koshish bhi nakam ho jaye ,

To suno. Chhod dete hain na , jaane dete hain .

Kyuki jise ab kdr nahi , usse qurbat badhana kya, jo smjhna chahta nahi , use smjhana kya ?

Aur iss koshish mein kuchh 100 martaba , khud ka dil dukhana kya?

Pr jb rishta ek ka nahi ,

To galti kisi ek ki kaise ?

Aur glti ho hi , ye bhi laazim kaise ?

To iss saari baat ko ,

Halat pr chhod dete hain na , jaane dete hain .

Chhod diya ? Jaane diya ?

Ab ek baat kahun ? Tum sun rahe ho na?

Tum mere aziz ho! Tum jante ho na ?

Sch btana , tum maante ho na ?

Suno , tum na zroori ho ! Mjboori nahi !

Tum afsana ho mera , to kya hua jo abhi mukammil nahi ?

Tum jaise ho mujhe psnd ho , tum hi to mere saanand ho !

Meri baaton pr gaur kr rhe ho na ,

Tum , tum sun rahe ho na ?

Suno , kya soch rahe ho kal ka ?

Maazi ya mustakbil ka ?

Kuchh aaj ki baat kro na , mere sath thoda waqt zaya kro na . Apna kuchh zikr kro meri bhi thodi fiqr kro , kaho mujhse kya hua kya kiya ,

Achha bura sb btaya kro na , main sun rahi hu . Tum jante ho na ?

Suno , tum mehz mere mahtab nahi aaftab ho , jise jee rahi hu vo khwab ho .

Tum , tum sun rahe ho na kitne tum khaas ho?

Kuchh isi trh mera aayina mujhse guftgu kiya krta hai . Mujhe smjhaya krta hai , btaya krta hai , kitni khaas hu main , mujhe yaad dilaya krta hai aur mujhse kehta hai . Ki suno

Tum mehez ek ngma nahi , saaz ho .

Hr pal sun sakun tum vo awaz ho ,

Sbse gehre mere Raaz ho ,

Kyu bekhabar , kitne khubsurat tum ehsas ho .

Tum Haan tum , sun rahe ho na , itne tum khaas ho !