ರಸಾಯನ ಶಾಸ್ತ್ರಾಚೆ ಮಾಂತ್ರಿಕ ನಾಗಾರ್ಜುನ

ಪುರಾತನ ಭಾರತಾಂತು ರಸಾಯನ ಶಾಸ್ತ್ರಾಚೊ ಮಾಂತ್ರಿಕ’ ಮ್ಹೊಣು ನಾಂವ ಪಾವ್ವಿಲೊ ನಾಗಾರ್ಜುನು ಮಧ್ಯಪ್ರದೇಶಾಚೊ ಜಾವ್ನಾಸ್ಸುಕ ಪುರೊ ಮ್ಹಣತಾತಿ. ಹಾಣೆ ರಾಸಾಯನಿಕ ಶಾಸ್ತ್ರ” ಆನಿ‘’ಧಾತು ಶೋಧನ ವಿದ್ಯೆ”[ METALLURGY  ]ಹಾಂತು ನವನವೀನ ಆವಿಷ್ಕಾರ ಸೊದ್ಲಾ. ಹಾಕ್ಕಾ ಹಾಣೆ ಸುಮಾರ ೧೨ ವರ್ಷ ಕಾಳ ಪರಿಶ್ರಮ ಪಾವ್ವಿಲೆ ಆಸ್ಸ. ಹಾಗೇಲೆ ಗ್ರಂಥ “ರಸ ರತ್ನಾಕರ” ”ರಸ್ರುದಯ” ಆನಿ ”ರಸೇಂದ್ರ ಮಂಗಳ” ಹೇ ಹಾಣೆ ರಾಸಾಯನ ಶಾಸ್ತ್ರಾಕ ದಿಲೀಲೆ ಅಪರೂಪಾಚೆ ದೇಣಿಗಾ ಮ್ಹಣಕಾ. ಸಾದಾ ಲೋಹಾಕ ಬಾಂಗಾರ ಜಾವ್ನು ರೂಪಾಂತರ ಕೊರಚೆ  ಹೋ ಶಿಕ್ಕಿಲೊ ಖಂಯಿ. ರನಾಯನ ವಿಜ್ಞಾನಾಕ ತಿತ್ಲೇಚಿ ನ್ಹಂಹಿಸಿ ಹಾಣೆ ‘’ಆರೋಗ್ಯ ಮಂಜರಿ” ಆನಿ ‘’ಯೋಗಸಾರ” ಮ್ಹಣಚೆ ಗ್ರಂಥ ಸಹಿತ ರಚನ ಕೆಲ್ಲಾ. ತಾಜ್ಜೇನ ವೈದ್ಯಕೀಯ ಶಾಸ್ತ್ರಾಂತು ಸಹಿತ ಹಾಕ್ಕಾ ಪ್ರಾವೀಣ್ಯ ಆಶ್ಶಿಲೆ ಮ್ಹಣ್ಚೆ ಕಳೀತಾಕ ಎತ್ತಾ. ನಾಗಾರ್ಜುನಾಲೆ ಅಪಾರ ಜ್ಞಾನ ಆನಿ ಪಾಂಡಿತ್ಯ ಕಾರಣಾನಿ ಹಾಕ್ಕಾ ಪ್ರಪಂಚಾಚೆ ಪಯಲೇಚೆ ವಿಶ್ವವಿದ್ಯಾಲಯ ಮ್ಹಣ್ಚೆ ಗೌರವಾಕ ಪಾತ್ರಾ ಜಾಲೀಲೆ “ನಳಂದಾ ವಿಶ್ವವಿದ್ಯಾಲಯಾಂತು” ಗೌರವ ಕುಲಪತಿ ಜಾವ್ನು ನೇಮಣೂಕಿ ಕೆಲೀಲೆ ಹಾಗೇಲೆ ಪ್ರತಿಭೇಕ ಸಾಕ್ಷಿ ಮ್ಹಣಯೇತ. ಭಾರತೀಯ ಜಾಲೀಲೊ ಹಾಣೆ ಸಹಸ್ರಮಾನ ಮಾಕಶಿ ಕೆಲೀಲೆ ಆವಿಷ್ಕಾರ, ಆಯಚೆ ನವೀನ ವಿಜ್ಞಾನಿಂಕ ಸಹಿತ ಮಸ್ತ ಆಶ್ಚರ್ಯದಾಯಕ ವಿಷಯು.

ನಾಗಾರ್ಜುನಾಕ ಭಾರತೀಯ ರಸಾಯನ ಶಾಸ್ತ್ರಾಚೊ ಜನಕ ಮ್ಹೊಣು ಸಹಿತ ಆಪಯತಾತಿ. ಬಾಂಗರ ಕೊರಚೆ ರಸವಿದ್ಯೆ ಬರಶಿ ಹಾಣೆ ಉದ್ಕಾ ವಿಷಯಾಂತು ಸಹಿತ ವಿಶೇಷ ಅಧ್ಯಯನ ಕೆಲೀಲೆ ಆಸ್ಸ. ಆಜಿ ಪರ್‍ದೇಶಿ ಲೋಕಾನಿ ಕೆಲೀಲೆ ಕಿತ್ಲಕಿ ಸಂಶೋಧನೆಕ ನೆಲ್ಕಟ್ ಘಾಲೀಲೆ ಶ್ರೇಯ ಆಮ್ಗೆಲೆ ನಾಗಾರ್ಜುನಾಕ ಪಾವ್ಕಾ. ಹಾಜ್ಜೇನ ಕಳ್ತಾ ನಾಗಾರ್ಜುನ ಕಿತ್ಲ ಹೊಳ್ಳೊ ವಿಜ್ಞಾನಿ ಜಾವ್ನಾಶ್ಶಿಲೊ ಮ್ಹಣಚೆ. ತ್ಯಾ ಖಾತೀರಿ ಆಮ್ಮಿ ಅಭಿಮಾನ ಪಾವ್ಕಾ ಆನಿ ಹಾಗೇಲೆ ಹೇ ಸಾಧನ ಆಯಚೆ ತರ್ನಾಟೇನ ಕಳೀತಾಕ ಹಾಡ್ನು ಘೆವಚೆ ಪ್ರಯತ್ನ ಕೊರಕಾ.