ಶಿಶು ಗೀತಾ

ಯೋರೇ ಚರಡಾ| ಬೈಸರೆ ಬಾಳಾ|

ಆಮ್ಮಾಲೆ ಮಾಂಡಿರಿ||

ಕೊಕ್ಕೋ ಘಾಲ್ನು ದಿತ್ತಾ ತುಕ್ಕಾ|

ರುಪ್ಪೇ ತಾಟಾರಿ||

ಶೀತ ಜವ್ಕಾ| ದೂದ ಪಿವ್ಕಾ|

ತ್ರಾಣ ಯವಚಾಕ|

ಮಸ್ತಿ ಕೋರ್‍ಕಾ| ಕುಸ್ತಿ ಧರ್‍ಕಾ|

ಜೀರ್ನು ವಚ್ಚಾಕ||

ದೇವಾಕ ಪಾಯ್ಪಡಿ| ಮ್ಹಾಲ್ಗಡ್ಯಾಲೆ ಪಾಯ್ಧಽರಿ| 

ಬರೆಂ ಜಾತ್ತಲೆ||

ತ್ಯಾಲ ರಗೋಡ್ನು| ನಾಣೇತಾ ಯೋರೆ|

ಕೂಸ್ಸಡ ವತ್ತಲೆ||

ಜ್ಞಾನಿಲೆ ವಾಣಿ ಆಯ್ಕ | ಆನಿ ಪುಸ್ತಕ ವಾಽಚ|

ಜ್ಞಾನ ಮೆಳ್ತಲೆ||

ಭಜನ ಮ್ಹಣ| ಪೂಜಾ ಕರಿ|

ದೇವು ಪಾವ್ತಲೊ|| 

ಗರೀಬಾಂಕ ದಾನ| ಕರಿ ಸೇವಾ|

ಸೂಖ ಮೆಳ್ತಲೆ||

ಅಜ್ಜಿಕ ಏಕ ಉಮ್ಮೋ ದೀರೆ|

      ಖುಷಿ ಜಾತ್ತಲೆ||

Argodu Suresh Shenoy