Facebook
Google
ಧುಮ್ಮಿಕ್ಕಿ ಹರಿವ ಜಲಧಾರೆ ಜೋಗ
ಕನ್ನಡ ಜನತೆಗೆ ಇದುವೇ ಯೋಗಾಯೋಗ!
ಮಲೆನಾಡ ಹಚ್ಚ ಹಸುರಿನ ನಡುವೆ ಇದೆ ಸಾಗರ
ಇದೇ ಭೋರ್ಗರೆಯುವ ಶರಾವತಿಯ ಆಗರ
ಮುಂಜಾವಿನ ಮಂಜಿನಲ್ಲಿ ಬೆರೆತ ಹೊಂಬಣ್ಣ
ಇದಕದೇ ಕಾರಣವು ಪ್ರಥಮ ಉಷಾಕಿರಣ!
ಬಾನಂಗಳದಿ ಬರುವುದು ಮಳೆಬಿಲ್ಲ ಚಿತ್ತಾರ,
ಸೌಂದರ್ಯ ಸರಸ್ವತಿಯ ನಿಜದ ಅವತಾರ!
ಇದಕಿರುವ ಇನ್ನೊಂದು ಹೆಸರು ಗೇರುಸೊಪ್ಪ
ಜಲಕಾಂತಿಯಬ್ಬರದಿ ಉರಿವುದು ವಿದ್ಯುದ್ದೀಪ!!
ರಾಜಗಾಂಭೀರ್ಯದಿ ಮೆರೆವ ಅವನೇ ರಾಜ,
ಅಂಕುಡೊಂಕಿನ ಬೆಡಗಿ ಅವಳದೋ ರಾಣಿ
ಬಂಡೆಗಳ ನಡುವೆ ಘರ್ಜಿಸುವ ರೋರರ್!
ಬಿರುಸಿನಾ ಬಾಣದೊಲು ಬರುವವನು ರಾಕೆಟ್.
ದೃಶ್ಯ ವೈಭವದ ಸುಗ್ಗಿ ಜೋಗ ಜಲಪಾತ
ಮೈ ಮರೆತೀರಿ ಜೋಕೆ! ಕೆಳಗಿದೆ ಪ್ರಪಾತ!!
ಇನ್ನೂ ನೋಡಿಲ್ಲವೇ ಬೇಗ ಬನ್ನಿರಣ್ಣ,
ತಣಿಸುವುದು ನಿಮ್ಮ ಮೈ ಮನಸು ಕಣ್ಣ.
Comments
Appreciate the author by telling what you feel about the post 💓
ಜೋಗದ ಸಿರಿ ಚೆನ್ನಾಗಿ ಮೂಡಿಬಂದಿದೆ
ಚೆನ್ನಾಗಿದೆ.
Please Login or Create a free account to comment.