ದೈನಿಕ ಪತ್ತೇದಾರಿ ಧಾರವಾಹಿ ವಾಂಟೊ - 2

ಚಿಕ್ಕೆ ದಾಟ ಮೀಸ್ಯೇಚೊ, ತೊಂಡಾರಿ ಚಾರ್‍ಪಾಂಚ ಕಡೇನ ಪೆಸ್ಕತಿಂತು ಗೀರೂನು ಜಾಲೀಲೆ ಗಾಯಾಚೆ ಕಲೆ ಆಸ್ಸುಚೊ ಏಕಳೊ ತೋರು ಮನುಷು ಜನಾಲೆ ಗುಂಪಾಚಾನ ಮುಖಾರ ಯವ್ನು ಹಾತು ಬಾಂದೂನು ರಾಬತಾ.

“ತೂಂಚಿವೇ ಹೇ ಬಾರಾ ಮ್ಯಾನೇಜರ್...

“ವ್ಹಯಿ ಸರ್...

“ನಾಂವ ತುಗೇಲೆ...!

“ಅಮರ ಶೆಟ್ಟಿ...

“ಹೋ.. ಹೋ.. ಕರಾವಳಿ ಬಗಲೇಚೊ... ಹೇ ಕಸ್ಸಲೆ ತೊಂಡಾ ವಯ್ರಿ ಇತ್ಲೆ ಕಲೆ ಜಾಲ್ಲಾಮೂ... ರೌಡಿಸೀಟಾರಿ ತುಗೆಲೆ ನಾಂವ ಆಸ್ಸವೇ?

“ಅಯ್ಯಯ್ಯೋ... ರೌಡಿ ಶೀಟಾರಿ ಮೆಗೇಲೆ ನಾಂವ ನಾ ಸಾರ್. ಹೇ ಕಲೆ ಕೋಣಾಲಾಗ್ಗಿ ಜಗೋಡ್ನು ಜಾಲ್ಲಿಲೆ ನ್ಹಂಯಿ. ಬಾರಾಕ ಪ್ರತಿ ದಿವಸು ವಿಂಗವಿಂಗಡ ನಮೂನ್ಯಾ ಗಿರಾಕಿ ಎತ್ತಾತಿ. ಪಿಲ್ಲ ಮಾಗಿರಿ ಎಕ್ಕೇಕ್ಲಿ ಏಕ್ಕೇಕ ನಮೂನ್ಯಾ ಬಿಹೆವಿಯರ್ ದಾಖಯತಾತಿ. ಜಗಡ್ತಾತಿ, ಮಾರೋನು ಘೆತ್ತಾತಿ. ತಾಂಗೆಲೆ ಜಗಡಿ ಸೊಡೊಚಾಕ ಹಾಂವ ವತ್ತ ನ್ಹಂಯಿವೇ? ತೆದ್ದನಾ ಕೆಲವ ಲೋಕ ಕರ್ಪಿತಾತಿ, ಆನಿ ಕೆಲವ ಲೋಕ ಪಿಲ್ಲಿಲೆ ಬಾಟ್ಲಿ ಬೆತ್ತೂನು ಕೊಂಬೆಚಾಕ ಎತ್ತಾತಿ. ಪೆಸ್ಕತಿ, ಚೈನ್ ಘೇವ್ನು ಘಾಲಚಾಕ, ಮಾರಚಾಕ ಯತ್ತಾಲಿ ಆಸ್ಸತಿ... ಮ್ಯಾನೇಜರು ಸಾಂಗ್ತಾ ಆಸ್ಸ ವ್ಹಯಿ ಜಾಲ್ಯಾರಿ ಇನ್ಸ್‌ಫೆಕ್ಟರಾಕ ತಾಜ್ಜ ವಯ್ರಿ ಭರ್‍ವಸ ಯಾನಾ. ಜಾಲ್ಯಾರಿ ಆತ್ತ ದಿನೇಶಾಕ ಮ್ಯಾನೇಜರು ಕ್ರಿಮಿನಲ್‌ಕಿ, ಜಂಟಲ್ ಮ್ಯಾನ್ ಮ್ಹಣಚೆ ಮುಖ್ಯ ನ್ಹಂಯಿ. ತಾಂಗೆಲೆ ಕಂಪೌಂಡಾ ಭಿತ್ತರಿ ಹೇ ದೊಗ್ಗಾಲೆ ಮರಣ ಕಶ್ಶಿ ಘಡಲೆ ಮ್ಹಣಚೆ ತಾಣೆ ಸೊದ್ದುಕಾ ಆಶ್ಶಿಲೆ. ತ್ಯಾ ಕಾರಣಾನ ತೊಂ 

“ಓ.ಕೆ.. ಓ.ಕೆ.. ಹಾನ್ನಿ ದೊಗ್ಗ ಕೆದ್ನಯಿ ತುಗೇಲೆ ಬಾರಾಕ ಎತ್ತಾ ಉರ್‍ತಾವೇ? ಹಾಂಗೆಲೆ ನಾಂವ, ಘರ ಖಂಯಿ ಮ್ಹಣ್ಚೆ ಖಾಂಯ್ಪೂಣಿ ಗೊತ್ತಾಸ್ಸವೇ ತುಕ್ಕಾ? ತಾಗೆಲೆ ದೋಳೆಂತೂ ಆಪಣಾಲೆ ದೋಳೆ ಪೂರ್ನು ನಿಮ್ಗಿತಾ.