ಜೀವಾಚೆ ಮ್ಹೊಲ (Part -3)

ಥೊಡೆ ವೇಳು ಸಮಗ್ರ ವಿಚಾರ ಕೆಲೀಲೊ ವಿಕ್ರಮು “ಸೋಮನಾಥು ಏಕಳೊ ವೈದ್ಯು. ತಾಣೆ ಪಾಟಲೀಪಯತ್ರಾಕ ಆಯ್ಯಿಲೋಚಿ ರಾಜಕುಮಾರಿಲೆ ಕಾಯ್ಲೊ ಗೂಣ ಕೊರಚೆ ಖಾತೇರಿ. ಆಪಣಾಲೆ ಕರ್ತವ್ಯ ಕೊರಚಾಕ ತೊಂ ರಾಯಾಕ ಸಾಂಗೂನು ವಿಂಧ್ಯಾಪರ್ವತಾಕ ವಚೂನು ಜಾಡ-ಮೂಲಿಕಾ ಸಹಿತ ಹಾಡಲೊ. ವಾಟ್ಟೇರಿ ಮಾಂತಾರೆನ ಧಾತ ಚುಕ್ಕೂನು ಪಡಿಲ ತೆದ್ದನಾ ತಾಣೆ ಕೆಲೀಲೆ ವೈದ್ಯಾನಿ ಕೊರಚೆ ಕರ್ತವ್ಯ ವಿನಃ ವಿಂಗಡ ನ್ಹಂಹಿ. ರಾಜಕುಮಾರಿ ಖಾತೇರಿ ಹಾಡಿಲೆ ಮೂಲಿಕಾ ಮಾಂತಾರೆಕ ವಾಪರ್‍ಲೇಲಿ ಸಹಿತ ಪರತ ವಿಂಧ್ಯಪರ್ವತಾಕ ವಚೂನು ಮೂಲಿಕಾ ಹಾಡ್ನು ರಾಜಕುಮಾರಿಕ ರಾಕ್ಕಾ ಮ್ಹಣಚೆ ಉದ್ದೇಶು ತಾಗೆಲಾಗ್ಗಿ ಆಶಿಲೆ. ಜಾಲಯಾರಿ ಕೀರ್ತಿಸೇನಾನ ತಾಗೆಲೆ ಉಪಕಾರ ಬುದ್ಧಿ, ಕರ್ತವ್ಯಾಕ ಮ್ಹೊಲ ದೀನಾಶಿ ಮರಣದಂಡನೆ ಶಿಕ್ಷಾ ದಿಲೀಲ ತೆದ್ದನಾ ರಾಯಾಕ ಮಾನವೀಯತೆ ನಾ, ಜೀವಾಚೆ ಮ್ಹೊಲ ತಾಕ್ಕಾ ಗೊತ್ನಾ ಮ್ಹಣಚೆ ವಿಷಯು ಸೋಮನಾಥಾಕ ಕಳ್ಳೆ. ಸೋಮನಾಥಾನಿ ದೊನ್ನೀ ಪಂತಾ ಪರ್ವತಾಕ ವಚೂನು ಜಾಡ ಮೂಲಿಕಾ ಹಾಡ್ನು ರಾಜಕುಮಾರಿಲೆ ಜೀವು ವಾಂಚೋನು ತಿಗೇಲೆ ಹಾತು ಧೊರನು ರಾಜ್ಯಾಕ ರಾಯು ಜಾವ್ಯೇತ ಆಶಿಲೆ. ಜಾಲಯಾರಿ ತಶ್ಶಿ ಕೆಲಯಾರಿ ಆಪಣಾನ ಆಪಣಾಲೆ ವೈದ್ಯವೃತ್ತಿ ಸೊಡಕಾ ಜಾತ್ತಾ ಮ್ಹಣಚೆ ಕೋಳ್ನು ತೊಂ ಆಪಣ ಜಾಡ ಮೂಲಿಕಾ ಹಾಡತಾ ಮ್ಹೊಣು ಸಾಂಗೂನು ಬಾಯರಸೊರನು ವಚೂನು ಸೊಡಲೊ. ಪರತ ಪಾಟಲೀಪುತ್ರ ರಾಜ್ಯಾಕ ಯೇನಿ. 

ಜಾಂವೊ ಅಸ್ಸಲೆ ಉಪಕಾರ ಸ್ಮರಣ, ಪ್ರಜಾ ಪ್ರೇಮು ನಾಶಿಲೆ ರಾಯಾಕ ಕಿತಯಾಕ ಉಪಕಾರ ಕೊರಕಾ ಮ್ಹೊಣು ಸಮಜೂನು ಪಾಟಲೀಪುತ್ರ ತಾಕೂನು ಭಾಯರ ವಚೂನು ಪರತ ಥೈಕ ಯಾನಾಶಿ ಊರ್ನು ಆಸಚಾಕ ಪುರೊ. ಆಪಣಾನ ದಿಲೇಲೆ ಉತ್ತರ ಚುಕಲ್ಯಾರಿ ಸಹಿತ ಖಾಂಯಿ ಜಾಯನಾ. ಜಾಲಯಾರಿ ನೀಚ ಜಾಲೀಲೊ ರಾಯಾಕ ಖಂಚೇಯಿ ಉಪಕಾರ ಕೊರಚಾಕ ನಜ್ಜ ಮ್ಹೊಣು ತೊ ತೀರ್ಮಾನ ಘೆತ್ತಿಲೊ. ಕೀರ್ತಿಸೇನ ರಾಯಾಕ ಬುದ್ಧಿ ಶಿಖಯಿಲೊ ಸೋಮನಾಥಾನಿ ಖಂಚೆ ನಮೂನ್ಯಾನಿ ಚೂಖಿ ಕರನಿ. ಆನ್ನೇಕ್ಲ್ಯಾನಿ ಸಾಂಗಿಲ ವರಿ ವಾಂಚೆ ಪಶಿ, ಆಪ್ಪಣ ಸ್ವತಂತ್ರ ಜಾವ್ನು ಗೌರವಯುತ ಜಾವ್ನು ವಾಂಚೆಕ ತಾಣೆ ಠರಯ್ಲೆ. ವೈದ್ಯ ವೈತ್ತಿಂತು ತಿತಲೆ ಸಾಮರ್ಥ್ಯ ಆಶಿಲೆ ತೊಂ ಖಂಯಿ ಘೆಲಯಾರಿಚಿ ಆರಾಮಾರಿ ಆಸ್ಸುಚಾಕ ಶಕ್ತಾ. ಮ್ಹೊಣು ವಿಕ್ರಮ ರಾಯಾನಿ ಬೇತಾಳಾಕ ಸಮಂಜಸ ಜವಾಬ ದಿಲ್ಲೆ. ತಾಜ್ಜೆನ ಸಮಾಧಾನ ಪಾವ್ವಿಲೆ ಬೇತಾಳೆ ತುಗೇಲೆ ಮೌನ ಆಪಣಾನ ಮೊಡಲೆ ಮ್ಹೊಣು ಬೊಬ ಘಾಲತಾ ಪರತ ವಚೂನು ಶಿಂಶಪಾ ರುಕ್ಕಾಕ ಮಾತ್ತೆ ಮೂಳಾ ಜಾವ್ನು ಲಾಂಬಚಾಕ ಲಾಗಲೆ. (ಸಂಪಲೆ)