Facebook
Google
मेक् इन् इंडिया
उद्यम तुम्मि मांडॆया
सर्कारि सौलभ्य तांडिया
निरुद्योगाचॆ काटु कांडिया॥१॥
ब्यांक् दित्ता लोन
सक्कडॆ मॆळ्ता मान
निवया गरीबालॊ तान
घॊळयारि तांका धन॥२॥
विदेशि वस्तुंक सॊड्या
देशांतु उद्यम काड्या
तीर्वो व्हरोनु हाड्या
उदर्गति वाट्टॆरि चड्या॥३॥
देश ब्हरि लोक
निवयका तांगॆलॆ भूख
जॊडचेचि तांका नाक
उद्यमचि जॊडतल्यालॆ तूक॥४॥
निसर्गा संपत्त पूरला
उदाक, करॆंट् भरला
जॊडचॆ लोक व्हरला
सरकारानि हात धरला॥५॥
हांगा उद्यम कॆलयारि
निरुद्योगाचॆ कूस्सड दुलयारि
तर्नाटॆलॆ त्राण फुलयारि
देशाचॆ दुड्डु दळलारि॥६॥
सक्कड गांव वाडता
तर्नाटॊ देशांतू पडता
श्रीमंतु दुड्डु काडता
सरकाराक तीर्वो हाडता॥७॥
मेड् इन् इंडिया
हांगाचॆ सामान मांडॆया
आंग्डिकार त्यांचि हाडॆया
विदेशि व्यामोह सॊडॆया॥८॥
तीर्वॊ आम्काचि उर्ता
म्हॊल ऊणॆ कर्ता
गरीबु सामान धर्ता
उद्यमि गांटि व्हर्ता॥९॥
हांगा तयारि सामानु
सकटांक बरपूर वरमानु
घॊळचांतु ना अपमानु
देशाक व्हड सन्मानु॥१०॥
युवकार मुखार यॆय्याति
गांव्गांतु उद्यम रॊय्याति
इंडियाचॆ मॊडल् जाय्याति
पोटब्हरि शीत खाय्याति॥११॥
-Argodu Suresh Shenoy
Comments
Appreciate the author by telling what you feel about the post 💓
Bare jalya kavan
:) Cheers
कवन सुंदर आस्स
Please Login or Create a free account to comment.