ಕನ್ಹಯ್ಯಾ ಬಾರೋ

ಕನ್ಹಯ್ಯ

ಕೊಳಲನೂದುತ ಬಾರೋ ಕನ್ಹಯ್ಯ

ಸ್ವರದ ಜಾಡು ತೋರಿಸು ನನ್ನಯ್ಯ//

ನಾದದ ಸವಿಯನು ನನಗೂ ನೀಡಯ್ಯ

ಗೋಪಿಕೆಯರ ಹಾಗೇ ನಾನೂ ದಾಸನಯ್ಯ//

ಗೋಪಿಕೆಯರ ಹೃದಯ ಕದಿಯಬೇಕಯ್ಯ

ನಾರಿಯರಿಂಗೆ ನಿನ್ನಂತೆ ಅಭಯವನ್ನೀಯಬೇಕಯ್ಯ//

ಮೂಕ ಜೀವಿಗಳ ಭಾಷೆ ಕಲಿಸಯ್ಯ

ನಾನು ಒಮ್ಮೆ ಗೋಪಾಲಕನಾಗಬೇಕಯ್ಯ//

ರಾಜಕೀಯದ ಕುಟಿಲ ನೀತಿಗಳರಿಯಬೇಕಯ್ಯ

ನಿನ್ನ ಹೊರತು ನನಗೆ ಕಲಿಸುವವರಾರಯ್ಯ//

ಬಾರಯ್ಯ ಒಮ್ಮೆ ದುಷ್ಟಕೂಟವ ಮರ್ದಿಸಯ್ಯ

ಶಿಷ್ಟರನ್ನು ಪೊರೆಯಲು ಓಡೋಡಿ ಬಾರಯ್ಯ//

                   ಸುಮರಂಗ(knsp)