ನಿಂತೆಯಾ ಒಡೆಯ!!!? ಸುತ್ತಲೂ ದಟ್ಟ ಅರಣ್ಯ.., ನಿಂತಿತೇಕೆ ನಮ್ಮ ಪಯಣ?? ಯಾವ ಮನೆಗಳು ಕಾಣಿಸುತ್ತಿಲ್ಲ... ಯಾವ ಸುರಕ್ಷಿತ ತಾಣವೂ ಇಲ್ಲಿಲ್ಲ... ಆದರೂ ಒಡೆಯನೇಕೆ ನಿಂತ!!! ಹಗಲಲ್ಲಿ ಈ ಹಾದಿ ರಮ್ಯ ಮನೋಹರ.., ಇರುಳಲ್ಲಿ ಇದು ರುದ್ರ ಭಯಂಕರ... ಸವೆಸುವ ದಾರಿ ಇನ್ನು ಬೇಕಾದಷ್ಟಿದೆ.., ತಲುಪುವ ಗಮ್ಯ ಇನ್ನು ದೂರವಿದೆ... ಮುಸ್ಸಂಜೆಯಲಿ ಸೊಗಸಾಗಿದ್ದ ಈ ಪಯಣ.., ಈ ಸರಿ ರಾತ್ರಿಯಲಿ ಭಯ ಹುಟ್ಟಿಸುತಿದೆ.. ಯಾಕೆ ನನ್ನೊಡೆಯ.., ಹಾದಿ ತಪ್ಪಿತೆ.??? ಹೆದರಬೇಡ ನಾ ಬಲ್ಲೆ ನಿನ್ನ ಹಾದಿಯ.. ನಾನಿರುವೆ ನಿನ್ನೊಟ್ಟಿಗೆ.. ಎಷ್ಟು ದೂರವೋ ನಮ್ಮ ಪಯಣ.., ಇನ್ನೆಷ್ಟು ದೂರವೋ ನಮ್ಮ ಪಯಣ!! ನಾನಿರುವೆ ಈ ಪಯಣದ ಕೊನೆವರೆಗೆ ನಿನ್ನೊಟ್ಟಿಗೆ., ಗಾಢಾಂಧಕಾರದ ಹಾದಿಯೂ., ಹೂವಿನ ಹಾಸಿಗೆ., ನೀನಿದ್ದರೆ ನನ್ನೊಟ್ಟಿಗೆ.., ನೀನಿದ್ದರೆ ನನ್ನೊಟ್ಟಿಗೆ...