Facebook
Google
जय जया हिमाचल दे लोको,
इक साल होई गेया अहाँ सारैयां जो कोरोना जेहि महामारीया कन्ने लड़दे लड़दे, मते भारी लोक ईहा बिमारिया अपु सोगी लई लिते, जैड़ी की बड़े दुखे दी गल ए। घरां विच रई रई अहाँ सारे परेशान होई गेयो थे, अहां बड़ी भारी बेसब्रीया नाल इंतज़ार करा दे थे कि कालु ईहा महामारिया द इलाज ओंगा, कालु कोई दवा बणगी, कालु कोई टीका बणगा ।
साडे वैज्ञानिक भी अपने कम्मे पर जोरें लगेयो थे, संझ-ब्याग इक करी दीतीयो थे । साडे वैज्ञानिकां आखिर करी टीका बनाई करी ही दम लेया । अहाँ सारैयां जो गर्व है अपने वैज्ञानिकां पर, जिना ऐडा बडा कम करी की पूरे संसारे च अपने देशे दा नां ऊंचा किता । ए टीका अहाँ दे अपणे देशे दे वैज्ञानिकां बणाया ता मिंजो पूरा विश्वास है कि अहाँ सारेयाँ जो कुछ नी होई सकदा, अपणे देशे विच ही अहाँ बिल्कुल सुरक्षित होई सकदे ।
अपर कुछ लोक इस वैक्सीन जो लई करी पुठियां सिदियां गलां करा दे, लोकां विचि भय पैदा करादे, जेड़ी की बडी गलत गल हे । अहाँ जो अपने वैज्ञानिकां पर विश्वास होणा चाहिदा, अहाँ सारैयां जो बाबा बालकनाथ अगे अरदास करनी चहिदी कि ऐ वैक्सीन सफल होवे, कन्ने अहाँ सारे ईहा महामारिया ते बची जाण । जिंदगी पेहले साई होई जाये ।
मेरे भाईओ-बहणो, हुण अहाँ सारैयां जो इना भरम पैदा करने वाले लोकां ते बची करी रहना पोणा है, कन्ने जॉली तुहाँ दा टीका लाणे दा नम्बर ओये ता टीका जरूर करी लगवाई लेनेयो । टीका लगाई लैणे बाद, ए याद रखनेयो कि मास्क लाना नी छडणा हे, दो गज दी दूरी भी जरूरी है, हुण कोरोना ते डरने दी लोड़ नई ए क्यो कि ऐ कोरोना हुण कुसी दी जान नी लई सकदा, मिंजो इस टीके पर पूरा विश्वास है ।
साडे वैज्ञानिकां दा बड़ा-बड़ा धन्यवाद ।
Comments
Appreciate the author by telling what you feel about the post 💓
????
??
Please Login or Create a free account to comment.