Facebook
Google
बाबा बालकनाथ जी, तुंहा जो मेरा दिले ते बड़ा बड़ा धन्यवाद है, मैं तुसां जो सारेयां ते बडा मनदी, तुसां मिंजो मंनुये दा जन्म दितेया, मिंजो दे घरे विच पैदा कितिया जेड़ा तुसां दा सच्चे दिले ते भक्त हे ! तुसां मिंजो कदी वी शाहतलाई नी सदेया अपर अहाँ जालु भी अपने ग्रान्यें जांदे ताली जेड़ा भी तुहां डा मन्द्र सुजता तिथू ही दर्शन करी लेंदे ! तुहां ताईं मैं ईको ही भजन गांदी रेह्न्दी कि "वे मनमोंनेया बालकनाथा वे तू कदों बुलावेगा" मिंजो पता है कि तुहां इक दिन मोंजो सदना हे ! तुहां कई बरी अपने होंने दी ढो दितिये, जालु जे मेरे मुम्मी बड़े बमार थे तालु तुहां दी ही मैहर होई थी नी ता डोक्टराँ ता ना ही करी दितियो थी, तिना डा बखार ता उतरा डा ही नि था, अहाँ सारेयां तुहां गां अरदास किती, फिरि अपू ही मुमियाँ डा बखार उतरी गेया, मिंजो पिछले सालें सीने विची बड़ी भरी पीड़ थी, मिंजो लगेया की कैंसर होई गेया अपर तुहां देया जादू फेरेया कि मेरी पीड़ ही हरी लयी ! मेरे डैडी जी दसदे कि तुहां असां दे खेतां दी भी रक्षा करदे, कन्ने भूतां जो भी नठाई दिंदे ! इयाँ थोड़ी पूरा हिमाचल तुहाँ जो पुज्दा ! अहाँ दिल्लीया च रहंदे कने तुहां दे एथू भी बड़े भारी मन्द्र हेन अपर मैं ता तुहाँ जो अपने घरे विची ही रखी लिया, तुहां जो तोपने ताईं कुथी भी जाने दी लोड़ नी ऐ, तुहां ता सरे पासे ही विराजमान हेन, तुहां शिवजी दा अवतार हेन।
बाबाजी तुहां ता चारों पासे ही अपणा रूप
दसदे रहन्दे, मेरे बडे भ्रा भाभी अमरीका रहन्दे, तिना ता तिथु भी तुहां दे दर्शन कितेयो , हुण तुहां ही दसा कि मैं तुहां जो कनी पूजां ।
तुहां दी महिमा अपरंपार है बाबाजी, अपणी छत्र छाया विचि सारी दुनिया जो रखी रखनेयो, ए जेड़ी बीमारी आइयो ईहा जो झट ही मुकाई दिनेयो । मेरे ईश, मेरे आराध्य, जय बाबा बालकनाथ जी।
Comments
Appreciate the author by telling what you feel about the post 💓
????
Sahi kaha baba balaknath jaisa koi nhi??
Please Login or Create a free account to comment.