Facebook
Google
जे मैं डॉक्टर होंदी ,
ते इक गल्ल ता पक्की होंदी,
मैं बमारे तो दिखे बगैर,
निंद्र भरी कदी वी न सोंदी ।
तिस नाल बई करी मैं ता,
तिसदियाँ सारी गल्लां सुणदी,
जे सै अपनी पीड़ा विचि रौंदा,
मैं हौंसले दी भी दवा दिन्दी ।
दिखी करी मरिजे दे माली हाल,
पैसेयाँ बगैर इलाज़ करी दिन्दी।
जे जरूरत न हो दवाई दी ता,
जबरदस्ती इंयां ही दवा न दिन्दी ।
जे मैं माणुयाँ दी डॉक्टर होंदी
ता भी मैं डंगरेयां जो दुखी न दिखदी,
पशु पक्षियां दे जख्मा च मलहम मलदी ।
मिंजो याद है आज भी सै ध्याड़ा,
जालि आया था बड़ा ही गुस्सा ,
इक निक्की जेही चिड़िया दे पैरे च,
फँसेया था बडा बालां दा गुच्छा ।
बड़िया मुश्कला ते गुच्छा हटाया ,
मलहम लगाया, फिरी चिड़िया जो उड़ाया ।
जे मैं डॉक्टर होंदी ता ,
मरिजे जो जरूर समजांदी कि ,
रोग नठाने ताईं बड़ा जरूरी योग होंदा ।
परहेज़ करी लेयो, न करियो कोई नशा,
दवाईयां खाई करी शरीरे दा ही नुकसान होंदा ।
मैं दिन्दी सही सलाह,
डॉक्टर भी माणु होंदे ,
विश्वास तिना पर रखणा,
सै ता दूजे खुदा होंदे ।

Comments
Appreciate the author by telling what you feel about the post 💓
बहुत खूब
Very nice lines
बहुत धन्यवाद संदीप भाई🙏
बहुत धन्यवाद विनीता जी🙏
बहुत धन्यवाद विनीता जी🙏
अति सुंदर, वैसे जंतुओं के डॉक्टर अलग होते हैं
Please Login or Create a free account to comment.