#ਜ਼ਰੂਰਤ #10articlechallenge #ichallengeyou

"ਨੀ ਗੁੱਡੀ...., ਆ ਲੈ ਪੁੱਤ , ਤੇਰੇ ਲਈ ਨਵੀਂ ਫ਼ਰਾਕ।"

"ਫ਼ਿਰ ਤੋਂ ਨਵੇਂ ਕੱਪੜੇ! ਕੀ ਲੋੜ ਸੀ ਬਾਪੁਜੀ ਫਿਰ ਤੋਂ ਨਵੇਂ ਕੱਪੜੇ ਲੈ ਕੇ ਆਉਣ ਦੀ। ਗੁੱਡੀ ਕੋਲ ਬਤੇਰੇ ਕੱਪੜੇ ਪਏ ਹਨ।"

"ਤਾਂ ਕਿ ਹੋਇਆ ...ਇੱਕ ਹੋਰ ਨਵੀਂ ਫ਼ਰਾਕ ਸਹੀ। ਜਾ ਗੁੱਡੀ ਪੁੱਤ ਤੂੰ ਪਾਕੇ ਆ।" ਕਬੀਰ ਸਿੰਘ ਜੀ ਨੇ ਆਪਣੀ ਪੋਤੀ ਵੱਲ ਇਸ਼ਾਰਾ ਕਰ ਕੇ ਕਿਹਾ। ਤਾਂ ਹੀ ਓਹਨਾ ਦੀ ਨੂੰਹ ਬੋਲੀ,

"ਬਾਪੁਜੀ, ਪਹਿਲਾਂ ਹੀ ਤੁਹਾੜੇ ਲੋਕਾਂ ਦੇ ਬੜੇ ਅਹਿਸਾਨ ਹਨ ਮੇਰੇ ਉੱਤੇ। ਤੁਸੀ ਮੇਰੇ ਵਰਗੀ ਵਿਧਵਾ ਨੂੰ ਆਪਣੇ ਘਰ ਦੀ ਨੂੰਹ ਬਣਾਇਆ , ਨਾਲ ਹੀ ਤੁਸੀਂ ਮੇਰੇ ਨਾਲ ਆਈ ਕਿਸੀ ਹੋਰ ਖ਼ਾਨਦਾਨ ਦੀ ਕੁੜੀ ਨੂੰ ਵੀ ਆਪਣੀ ਪੋਤੀ ਵਰਗਾ ਰੱਖਿਆ, ਤੇ ਮੈਂ...ਮੈਂ ਹੱਲੇ ਤੱਕ ਤੁਹਾਨੂੰ ਇੱਕ ਪੋਤਾ ਵੀ ਨਹੀਂ ਦੇ ਸਕੀ।"

"ਪੁੱਤ, ਤੈਨੂੰ ਕਿਸਨੇ ਕਿਹਾ ਕਿ ਸਾਨੂੰ ਪੋਤਾ ਚਾਹੀਦਾ ਹੈ! ਇਸ ਬੁਢਾਪੇ ਵਿਚ ਸਾਨੂੰ ਕਿਸੀ ਮੁੰਡੇ ਕੁੜੀ ਵਿੱਚ ਫ਼ਰਕ ਕਰਨ ਦੀ ਨਹੀਂ ਬਲਕਿ ਅੱਖਾਂ ਦੇ ਸਾਮ੍ਹਣੇ ਹੱਸਦੇ ਖੇਡਦੇ ਨਿੱਕੇ ਬੱਚਿਆਂ ਦੀ ਜਰੂਰਤ ਹੈ ਬਸ। ਅਤੇ ਉਹ ਜਰੂਰਤ , ਗੁੱਡੀ ਵੀ ਪੂਰੀ ਕਰ ਰਹੀ ਹੈ। ਹੁਣ ਤੋਂ ਇਹ ਗੁੱਡੀ ਹੀ ਸਾਡੇ ਪਰਿਵਾਰ ਦਾ ਵੰਸ਼ ਹੈ।"

©ਮਨਪ੍ਰੀਤ ਮਖਿਜਾ