Facebook
Google
ಹೇ ತಾಯಿ ಭಾರತಿ, ನಾವು ನಿನ್ನ ಸಂತತಿ, ಧಮನಿ ಧಮನಿಯಲ್ಲೂ ಬೆರೆತು ಕಲೆತಿದೆ ನಿನ್ನ ಸಂಸ್ಕೃತಿ |
ವಿವಿಧತೆಯಲಿ ಏಕತೆ, ಜೊತೆಗೆ ಇಹುದು ಸಭ್ಯತೆ, ಎಲ್ಲವನ್ನೂ ಬೆಸೆಯುತಿಹುದು ನಮ್ಮ ಭಾರತೀಯತೆ ||
ಹಲವು ಜಾತಿ ಮತ ಪಂಥದ ಆಳವಾದ ಬೇರಿದು ;
ಎಲ್ಲರನ್ನೂ ಜೊತೆಗೆ ಬೆಸೆದು ತಲೆ ಕಾಯುವ ಸೂರಿದು |
ವಿವಿಧ ಭಾಷೆ ಸಂಪ್ರದಾಯ ಮೇಳೈಸಿದ ತವರಿದು ;
ನಾಡು ನುಡಿಗೆ ಜೀವ ತೆತ್ತ ಬಿಸಿ ರಕ್ತದ ಬೆವರಿದು ||
ಹಿಮಗಿರಿಯ ತಪ್ಪಲಲ್ಲಿ ಕಾಶ್ಮೀರದ ಮುಕುಟ ;
ಕನ್ಯಾಕುಮಾರಿಯಲ್ಲಿ ಮನ ಸೆಳೆಯುವ ನೋಟ |
ಕಬ್ಬಿಗರಿಗೆ ಹಬ್ಬದೂಟ ಈ ದೇಶದ ಸೊಬಗು ;
ತಬ್ಬಿ ಸೆಳೆವುದು ಮನವ ಪ್ರಕೃತಿಯ ಬೆಡಗು ||
ಸಸ್ಯ ಕಾಶಿ ವನ್ಯ ರಾಶಿ ಧರೆಗಿಳಿದಿದೆ ಸ್ವರ್ಗ ;
ಮಾನವೀಯ ಮೌಲ್ಯ ನಮ್ಮ ಜೀವನ ಮಾರ್ಗ |
ಜಗ ಪೂಜಿಪ ಸಂತರು, ಹೃದಯದ ಶ್ರೀಮಂತರು ;
ನಮ್ಮ ದೇಶ ನಮ್ಮ ಹೆಮ್ಮೆ ನಾವು ಭಾರತೀಯರು ||
- ಮಧು ಕೋಡನಾಡು.
Comments
Appreciate the author by telling what you feel about the post 💓
ಈ ಪದ್ಯದಲ್ಲಿ ಭಾರತ ಮಾತೆಯನ್ನು ಸುಂದರವಾಗಿ ವರ್ಣಿಸಿದ್ದೀರಿ.
Please Login or Create a free account to comment.