Kuchh mauke maine hi khud se churaye the !

Kitne gye aur kitne aaye the , kuchh mauke maine hi khud se churaye the .

Jab mauka tha kisi ko palat kr jawab dene ka , Kyu chup rehna chuna gya .

Jab mauka tha khud ke liye ldne ka , Kyu shaant rehna chuna gya ..

Jab mauka tha , khud ko ek mauka dene ka , Kyu Dr kr pichhe htna chuna gya .

Jb tha mauka khud ko chunne ka , Kyu usme bhi dosti ke farz aaye the , Aur jo shayad sirf maine hi nibhaye the .

Kitne gye aur kitne aaye the , kuchh mauke maine hi khud se churaye the.

Jab zindagi ne mauke diye , Maine khud se chura liye ,

Ab khud ko mauke diya krti hu , Zindagi se chura kar ke ..

Ab jahan zruri, vahan jawab bhi diya krti hu , khud ko smjha kar ke ...

Ab khud ke liye ldna jaanti hu , Bina kisi drr ke ...

Vo mauke , jo mauka milne pr bhi , khud se churaya krti thi , ab mauka na milne pr bhi unhe dhundh liya krti hu .

Bas zameer mera jhuke nhi , khud ki nazron mein main girun nahi. Kuchh esa mujhse ho jaye nahi , har dafa khud se kaha krti hu...

Kuchh hai jo abhi seekhna , jaari hai .

Kuchh hai jo abhi seekhna baki hai ,

Pr seekhna pura Krna hoga , Kyuki Krna zruri hai .

Khud ko chunna seekhna hoga ,

Khud ko chahna seekhna hoga

Khud ko dantna to ata hai ,

Khud ko palosna seekhna hoga ,

Kyuki seekhna zruri hai ...

Kuchh sau martaba ab khud ko dekh muskuraya krti hu ,

Kyuki ab nahi khud se koi mauka churaya krti hu ...

Kitne gye aur kitne aaye the, Haan kuchh mauke maine hi khud se churaye the... !!