Facebook
Google
चित्राङ्गदार्जुनौ
इतोपि किमपेक्षते कौन्तेय ?
किं वास्ति अदेयम् ?
चपलचतुरनयनमायया तत्क्षणात् आमूलं चोरितं मे मानसम्।
मन्येऽहम् ! एतावता नैव तुष्टस्तं सृष्टिविनाशक्रियया !
तव कारणात् अद्यापि अश्र्वापतति नयनकोणे फाल्गुनी !
आपातनिष्कृत्यै स्वीयापत्यमपि प्रतार्यते मया।
तथापि निर्विकारस्तं !
निर्विचारे निर्लिप्तोऽसि जनहितकर्मणि ।
अनुभवसि किं मनिपुरराजकन्यायाः अव्यक्तवेदना ?
तस्मिन् प्रथमेक्षणे --------
तव लोचनाभ्यां दुर्निवारदर्पस्य प्रस्फुरणं दृष्ट्वा आह्लादितः मे मनः।
प्रतिदाने ? तव चरमोपेक्षा,
अवाञ्छितावज्ञा तथा अप्रत्याशितावहेलनम् ।
तथापि अनुभाव्यते अनिर्वचनीयमाकर्षणम् ।
ततस्तमागतः !
निर्निमेषे कानने मम आस्वादिता यौवनसुधा।
स्नेहतरङ्गप्लाविता तव चित्राङ्गदा।
ततः निक्षिप्तोऽहम् !
तदारभ्यः निःसङ्गं निस्तब्धं मे मानसम्।
अवरुद्धस्तमिन्द्रप्रस्थमोहे !
कृष्णासुभद्रयोः स्न्तेहान्तरिक्षे विस्मृतस्त्वं चित्राङ्गदाम्।
पार्थक्यं कुत्र ? हे श्वेतवाहन !
छलना कृता, सिद्धो भव प्रतिच्छलनाप्रप्तये !
"पाञ्चाली" तव शौर्यस्य पुरस्कारः,
"सुभद्रा" सख्यतायाः उपहारः।
"चित्राङ्गदा" किं तव अवसरविनोदोपकरणम् ?
संयतेन्द्रियो भव हे कपिध्वज !
तृप्तो भव,सीम्नि भव, निमज्जयतु तवाहङ्काराग्निः ।
निरहङ्कारस्नेहितः अमृतस्पर्शेण पुनरपि स्वागतं तेऽर्जुनः ।
Comments
Appreciate the author by telling what you feel about the post 💓
samyak upasthapanam...sobhanamidam...👌
Sundar katha. Abhinandanam
@Aravinda ji @Bithika ji धन्यवादाः 🙏
Please Login or Create a free account to comment.