Facebook
Google
ನಂಬಲೇ ನಿನ್ನ ಮಾಧ್ಯಮ
ಬಣ್ಣ ಬದಲಿಸುವ ಗೋಸುಂಬೆ ನರ್ತನ
ಯಾವ ಪರದೇಸಿ ತಾಳಕ್ಕೆ ಕುಣಿತ
ಪ್ರಜೆಗಳ ದಿಕ್ಕು ತಪ್ಪಿಸುವ ತುಡಿತ
ಕಪ್ಪು ಬಿಳಿಯಾಗಿ‌ಸಿ ಬಿಳಿ ಕಪ್ಪಾಗಿಸಿ
ಅಸಹಿಷ್ಣು ಪುಢಾರಿ ಬಂಡವಾಳಿಗರ ಭೇರಿ
ಪಕ್ಷಕ್ಕೊಂದು ವಾಹಿನಿ ವಿಪಕ್ಷಕ್ಕೊಂದು ಪತ್ರಿಕೆ
ಚಾನೆಲ್ ಗಳ ಪ್ರವಾಹವಿದ್ದರೂ ವಸ್ತು ಸ್ಥಿತಿಗೆ ಬರ
ಭ್ರಷ್ಟ ಮಾಧ್ಯಮದಿ ಕೊಳೆಯುತ್ತಿದೆ ಪ್ರಜಾಸತ್ತೆ
ಯಾರ್ಯಾರ ಸೊತ್ತೋ ಮತ ಬ್ಯಾಂಕು ಬೇಟೆ
ಸುಟ್ಟ ನೈತಿಕತೆ ರಾಜಕಾರಣ ಕುಲಪಕ್ಷಪಾತ
ಚಿತ್ರ ನಟನೆಗೂ ಬೇಕೇ ಕೆಟ್ಟ ಕುಲಪಕ್ಷಪಾತ
ದಾರಿತಪ್ಪಿಸುವ ವೇಗ ಅಂತರ್ಜಾಲ
ಹಿಗ್ಗಿಸಿ ಕುಗ್ಗಿಸಿ ವೈಫಲ್ಯ ಸಾಫಲ್ಯ
ಧನದಾಹ ಆಮಿಷದಿ ಭೂಗತರ ಸಂಪರ್ಕ
ಮಾದಕ ಮಾಫಿಯಾ ತಿಳಿಗೊಳಿಸುವ ತರ್ಕ
ಭಾರತ ಮಾಧ್ಯಮ ದಾಟಿ ಸಭ್ಯತೆಯ ಮೇರೆ
ಹಳಿ ತಪ್ಪಿಸುವ ಕೂಗಾಟ ಅಭದ್ಧ ಪ್ರಲಾಪ
ಬಿಕರಿ ಮಾಧ್ಯಮಗಳು ಕಣ್ಣೊರೆಸುವ ಸಂದರ್ಶನ
ಘೋಟಾಲಾದಾರರೇ ಬೇಕೇ ಪಡೆದವರು ಜಾಮೀನ?
ಮಾಧ್ಯಮದಲ್ಲೂ ನೆರಳು ಮಾರ್ಕ್ಸಿಸ್ಟ್ ಭೂತ
ಮಕ್ಕಳ ಪಠ್ಯದಲೂ ಸೆಟೆ ಇತಿಹಾಸ ಪಾಠ
ದೇಶ ಸಂಸ್ಕೃತಿಯ ತುಳಿದು ದಾಳಿಕೋರರ ವೈಭವ
ಪಾತಕಿಯ ಬಗೆಗೆ ಘಂಟಾ ಘೋಷಕ್ಕೇಕೆ ಹಿಂಜರಿತ?
ಎಲ್ಲೋ ನೆಲಮಟ್ಟದ ಮುದ್ರಣ ಸರಳಸತ್ಯದ ತಿರುಳು
ನಿಜ ಬಾಯ್ದೆರೆದಾಗಲೆಲ್ಲ ಆತ್ಮ ಹತ್ಯೆಯ ಉರುಳು
ಸತ್ಯವೇಕೆ ತಿಳಿಯಾಗಿ ಮಡಿಸಿದೆ ತೋರುಬೆರಳು?
ಅಲ್ಲೊಂದು ಇಲ್ಲೊಂದು ಪತ್ರಿಕಾ ಧರ್ಮ ಧುನಿ
ಆಳುಗರ ತಿವಿದೆಚ್ಚರಿಸುವ ಪ್ರಾಮಾಣಿಕ ಧ್ವನಿ
ಅತಿಶಯವಲ್ಲದ ಸ್ಪಷ್ಟ ನೇರ ಸುದ್ದಿ ವಾಚನ
ಸತ್ಯಾಂಶದ ವರದಿಯಲ್ಲವೇ ವಿಚಾರಪೂರ್ಣ!!
* ಚಂದ್ರಮತಿ ಜಿ ವೆರ್ಣೇಕರ್
Comments
Appreciate the author by telling what you feel about the post 💓
Uttama vicharavannu kavanada moolaka barediddiri. Abhinandane
ಉತ್ತಮವಾಗಿದೆ
Please Login or Create a free account to comment.