Waqif – A Truth Known by the Heart...

Waakif hoon main tere sach se kuch hadd tak,

Muskurahat ke peechhe chhupi hai ek khamosh dastak.

Aankhon mein kai alfaaz hain, be-aawaaz keh rahe ho,

Ek dard chhupa hai, jo sirf khud se seh rahe ho.

Dil pe kuch raazon ka bojh liye chalte ho,

Khud pe ek rok si lagaaye, phir bhi sabke liye sambhalte ho.

Darna bhi zaroori hai, zakham gehre jo itne khaye hai,

Par himmat ki misaal ho tum, jo doosron ke khamosh sar uthaye hai.

Teri takleef ek gehri khaai si lagi,

Chupke se hi seh gaya, dard tera wo ruswai si lagi.

Bas us dard ka asar mujhe mehsoos hone de,

Tu agar andheron mein hai, toh meri roshni ko rehne de.

Chehre pe hasi mujhe samajh aati hai,

Unkahi baate jo teri hasi keh jaati hai.

Kahani teri gehri hai, jo tujhe chup kara jaati hai,

Aankhe teri jo chupke se tera haal keh jaati hai.

Chalna tera lagta hai jaise raasta dhoondh rahi zindagi baaki hai.

Har kadam pe kuch adhura, kuch likhi si baat baaki hai.

Yaqeen kar mera saath tera humsaaya ban jaayega,

Aur gham se tere, sath mera sath khade hokar ladd jaayega.

Tere dil par ek hifaazat ka pehra hai,

Tu jaanta hai sab, par khud mein sab kuch kah jaata hai.

Chup rehkar bhi tu har baat samjhaata hai —

Pyaar mein bhi, kuch baatein mehsoos ki jaati hain.

Do kahaniyaan milkar ek dastaan banati hain.

🌸🐚___ Bushra